聯婚流程及主持詞
1.開場前3分鐘司儀提醒即將開始，請各位就座
（暖場音樂若干首）請各位親戚朋友同事同學儘快就座，今晚嘅婚宴即將開始。
2.司儀開場白：歡迎大家，感謝大家到來，介紹婚禮，初步祝詞
（音樂停）各位親戚朋友，同事同學，大家晚上好，我係今晚曾林聯婚晚宴嘅司儀建邦。
首先感謝各位賞面來到曾達明先生同林儉雅小姐嘅婚宴。
好高興，系哩個良辰美景，花好月圓，鶯eng歌燕語嘅晚上同各位共同見證一對新人一生中最重要嘅時刻，向一對新人送上祝福。
（播放視頻，如視頻過長即不再次播放）
請各位再次欣賞一下今日一對新人嘅甜蜜時刻，婚禮花絮視頻。
3.有請新郎新娘走上台，播歌同時祝詞
鵲上枝頭春意鬧，燕飛心懷伊人來，事不宜遲，下面請我地用熱烈嘅掌聲歡迎今晚嘅男女主角上台接受大家嘅祝福！
（音樂輕放）沐浴系幸福甜蜜當中嘅新郎新娘系音樂的伴隨下，慢慢向我地走黎，此時此刻意味着兩顆相戀已久嘅心終於走到一齊，兩個相愛嘅人步入神聖嘅婚姻殿堂。
（音樂放大）
（如上台時間太長，再音樂輕放）一世良緣同地久，百年佳偶共天長。一對新人佢地心貼住心，手挽住手，面帶住微笑，迎接佢地嘅幸福生活。
4. 新郎發言，新娘發言
（音樂停）好！請允許我簡單介紹一下今晚嘅男女主角。
先來睇下我地新郎哥，曾達明明哥仔，寬厚得來又英俊瀟灑，一位勤奮進取，踏實能幹嘅男人，靠得住靠得住
再來睇下我地新娘子，林儉雅，啊表姐，面如虹雲，笑若桃花，識左你廿幾年，最得系今晚啦
系今日哩個甘重要日子裏面，兩位一定有d説話想同對方講，同我地大家分享嘅，新郎哥先啦……真系感人，我相信新郎哥會比到幸福比新娘嘅！
甘新娘子呢？有咩想講下咧……好，我都代表我地d老表們，好感謝表姐，年頭又多兩包利是啦！
5. 交換戒指，禮成 播歌
（以下環節全程輕放音樂）
來！儀式感要足夠！
曾達明先生同林儉雅小姐，請你地握住對方雙手，向你嘅丈夫同妻子，向我地在座各位鄭重宣誓
曾達明先生，你是否願意，承認和接納林儉雅作為你嘅妻子，無論順境或逆境，富裕或貧窮，健康或疾病，快樂或憂愁，始終愛惜佢，尊重佢，保護佢，對佢忠誠直到永遠？ （新郎回答）
林儉雅小姐，你是否願意，承認和接納曾達明作為你嘅丈夫，無論順境或逆境，富裕或貧窮，健康或疾病，快樂或憂愁，始終愛惜佢，尊重佢，保護佢，對佢忠誠直到永遠？ （新娘回答）
實在太感動了！好！最重要最緊張嘅時刻到啦！下面有請一對新人交換婚戒，有請伴郎同伴娘送上幸福婚姻嘅信物！
請新郎將你手上代表永恆嘅戒指戴系你妻子嘅左手無名指上。
請新娘將戒指戴系你丈夫嘅左手無名指上。
喜結良緣成夫妻，白頭偕老情意長，相濡yu以沫度生活，早生貴子喜事多！一對新人天生一對，地造一雙，從今共諧連理，彼此互相體諒與關懷，共同分享苦與樂。祝福一對新人百年好合，永結同心！
6. 切蛋糕 播歌
跟住落來請表姐表姐夫共同分享婚禮大蛋糕。
潔白芬芳，香甜美滿，預祝佢地今後嘅生活芝麻開花節節高！
7. 倒香檳 播歌
下面再次有請一對新人共同為美麗嘅杯塔倒滿香檳酒。
各位朋友，哩座晶瑩剔透的香檳酒塔，象徵着一對新人純潔無暇嘅愛情，又象徵着一對新人嘅愛情階梯。今日，他們終於在這條漫長嘅愛情階梯上，攜手走到了愛嘅最高境界！各位，讓我地衷心甘祝願佢地，系今後嘅生活當中，風雨同舟、真愛一生、真誠到永遠！
8. 祝酒
請各位在座各位舉起酒杯，共同暢飲！新郎哥敬酒，買車又買樓！新娘子敬酒，鑽石珠寶乜都有！
9. 開始享用晚宴
多謝曬大家，希望大家今晚盡情享用晚宴！食得開心d！飲得盡興d！
音樂清單：
A 來賓入場就座音樂若干首，分為A1,A2,A3……（備用，因視頻剪輯後有背景音樂可取代）
B 新郎新娘上台過程音樂一首
C 交換戒指、切蛋糕、祝酒、開席一直輕放的音樂若干首分為C1,C2,C3……
視頻錄像任務點
男方：
1.裝飾婚車
2.靜態婚車隊伍從頭到尾
3.新郎整理着裝
4.伴郎及兄弟團到場
5.男方習俗拜神
6.接親隊伍擺pose做足準備出發
7.上車出發主婚車前方拍，到最後婚車走馬上跟車走
8.到女家門外拍拍門或按門鈴瞬間
9.門外拍玩遊戲和開門利是，着重拍開門瞬間
女方：
1.新娘化粧
2.進入新娘房間借光線一直圍繞到新娘拍
3.新娘伴娘和姐妹團擺pose用拍新娘的方式拍
4.姐妹團的攔門遊戲道具準備及試玩
5.女方習俗拜神
6.門鈴響或拍門聲
7.從門內拍接親團，靈活拍遊戲及開門利是，着重拍開門那一瞬間
8.拍找鞋子，拍戴婚戒，親吻
9.拍敬茶，父母表情
10.父母家人合影
11.拍出室外撐傘上婚車瞬間及已坐婚車內
12.到男家後出車瞬間，進室內瞬間
13.習俗拜神敬茶瞬間
14.親人合影
蒙田範文網